ဝန်ထမ်းအရည်အသွေးအကဲဖြတ်အမှတ်ပေးလုပ်ငန်းစဉ်

ဝန်ထမ်းအရည်အသွေးအကဲဖြတ်အမှတ်ပေးလုပ်ငန်းစဉ်
Manual for Performance Evaluation Process

နိဒါန်း

လူ့စွမ်းအား အရင်းအမြစ် ဖွံ့ဖြိုးမှု ဌာန ( Human Resources Department ) မှာ အလုပ်လုပ်နေသူတိုင်း အချိန်တန်လျှင် မဖြစ်မနေ လုပ်ဆောင်ရမည့် ( Performance Appraisal )၀န်ထမ်းအရည်အသွေး အကဲဖြတ်မှတ်တမ်းပြုစုခြင်း ဆိုသောလုပ်ငန်းစဉ် ကို မလွှဲမရှောင်သာ ပြုလုပ်ဆောင်ရွက်ရမည်မှာ အသေအချာပင်ဖြစ်ပါသည်။ ကျွန်တော် တာဝန်ထမ်းဆောင်နေသည့် ဟိုတယ်တွင် တစ်နှစ်လျှင် ၂ ကြီမ် လုပ်ဆောင်ရပါသည်။ ထိုသို့ လုပ်ဆောင်သည့်အခါတိုင်း ကြုံတွေရသည့် ပြသနာ အခက်အခဲလေးများ အားလျှော့နည်းသွားစေရန်ရည်ရွယ်ပြီးယခု ကဲ့သို့ ရေးသားပြုစုခဲ့ပါသည်။ ကျွန်တော်၏ ဟိုတယ်တွင် လက်စွဲအဖြစ် ကြီးကြပ်ရေးမှူးအဆင့်မှအထက် အရာရှိကြီးငယ်ဟူသမျှ ဖတ်ရှုပြီး ပိုမို နားလည်သဘောပေါက်စွာဖြင့် လက်အောက်ဝန်ထမ်းများ၏ အခြေအနေကိုအမှန်အတိုင်း ဖေါ်ထုတ်သိရှိပြီး လိုအပ်သလို လေ့ကျင့်ပေးခြင်း သင်ယူလေ့လာစေခြင်း။အပြောင်းအလဲပြုလုပ်ပေးခြင်း ၊ စသည်ဖြင့် လုပ်ငန်းကို အောင်မြင်ပျော်ရွှင်စွာ ဆက်လက်ဆောင်ရွက်သွားနိုင်စေရေးအတွက် ရည်ရွယ်ရေးသားပြုစုခဲ့ခြင်းဖြစ်ပါသည်။

အမှာ

   ကျွန်ုပ်တို့နေ့စဉ် လုပ်ဆောင်ရန်နှင့်လိုက်နာရန် စည်းကမ်းချက်များနှင့်ပတ်သက်၍ ကုမ္ပဏီအသီးသီးလက်အောက်ရှိ စက်ရုံအလုပ်ရုံများ၊ အရောင်းဆိုင်များ၊ ဟိုတယ်များ အားလုံးတူညီသောအချက်အလက်များမှာ လုပ်ငန်းမှ ရည်ညွန်း သတ်မှတ် ထားသည့်စံနှုန်း ပြည့်မီခြင်း၊ ရှေ့သို့တိုးတက်ကျော်လွန်အောင်မြင်ခြင်း၊လုပ်ငန်းအောင်မြင်နိုင်ရန်လိုအပ် သော အရည်အသွေး ရှိခြင်းတို့ဖြစ်ကြသည်။
   ထိုကြောင့်ဌာနအသီးသီးတို့သည် ပြိုင်ဆိုင်ကြခြင်းဖြင့် မိမိအတွက်လည်းကောင်း၊ ဌာနအတွက်လည်းကောင်း အကောင်းဆုံး ဖြစ်အောင်ဆောင်ရွက်ခြင်းတို့ကိုပြုလုပ်ကြရသည်။ ဆောင်ရွက်ရသောလုပ်ငန်းများ ရလဒ်ကောင်းမွန်စေရန် အတွက်စစ်ဆေးမေးမြန်းခြင်း၊ အကဲဖြတ်အမှတ်ပေးမှတ်တမ်းတင်ခြင်းဖြင့် (လုပ်သားအပေါ်တန်ဘိုးဖြတ်ခြင်း) တိုင်းတာ စစ်ဆေးမှုများပြုလုပ်ရသည်။ 
   လုပ်သား၏ လုပ်ငန်းဆောင်ရွက်မှုအပေါ်တန်ဘိုးဖြတ်ခြင်း ဟူသည်မှာ ထုတ်ပြန်ထားသောစည်းကမ်းများ လိုက်နာ ဆောင်ရွက်နိုင်ခြင်း၊ လုပ်သားစွမ်းဆောင်ရည်ပြည့်ဝမှုအနည်း နှင့်အများပေါ်မူတည်၍ သက်ဆိုင်ရာဌာနအကြီးအကဲများ နားလည်စွာဆုံးဖြတ်နိုင်မှု၊ တိုးတက်ကောင်းမွန်စေမှု၊ ဘက်လိုက်မှုများအားပြုပြင်နိုင်ခြင်း၊ ဌာနတွင်းပိုမိုချောမွေ့ ကောင်းမွန် စေခြင်း တို့ဖြစ်ပေါ်စေပါသည်။အကဲဖြတ်အမှတ်ပေးခြင်းသည်ရာထူးပြောင်းလဲ ခြင်း၊ လစာတိုးမြှင့်ခြင်း၊ဌာနပြောင်းရွေ့ခြင်း၊ နှုတ်ထွက်စေခြင်းစသည်ဖြင့်ဝန်ထမ်းနှင့် ပိုမိုနီးစပ်လာစေပါသည်။
         အကဲဖြတ်အမှတ်ပေးခြင်းသည် စည်းကမ်းလိုက်နာခြင်းဟုလက်ခံရမည်ဖြစ်၏။ စီးပွားရေးလုပ်ငန်းကြီးကြပ်မှု အသီးသီးမှ အကဲဖြတ်ခြင်း၊ စည်းကမ်းလိုက်နာခြင်းသည် စီးပွားရေးလုပ်ဆောင်ရာ၌အရေးကြီးသောသော့ချက်ဖြစ်သည်။ စည်းကမ်း လိုက်နာရန်မည်သို့ဆောင်ရွက်ရမည်၊ မည်သို့ကာကွယ်စောင့်ရှောက်ရမည်၊ တိုးတက်အောင်မြင်အောင်မည်သို့ ဆောင်ရွက်ရမည် စသည်တို့ဖြစ်သည်။

မာတိကာ
-   အကဲဖြတ်ရာ၌ ဖြည့်စွက်ရမည့်အချက်များ                          
-   အကြီးအကဲ၏တာဝန်ယူနိုင်စွမ်း               
-   အကဲဖြတ်ခြင်းနှင့်ပတ်သက်သောလမ်းညွှန်ချက်         
-   အကဲဖြတ်အမှတ်ပေးခြင်းနှင့်ပတ်သက်၍အဓိပ္ပါယ်ရှင်းလင်းချက်
-   အကဲဖြတ်အမှတ်ပေးရာ၌ထည့်သွင်းစဉ်းစားရမည့်အချက်များ                  
-   ပုံမှန်အခြေအနေမှခွဲထွက်နေသောဝန်ထမ်းအားအမှတ်ပေးရာတွင်လိုက်နာလုပ်ဆောင်ရန်ညွှန်ကြားချက်            
                  
အကဲဖြတ်ရာ၌ဖြည့်စွက်ရမည့်အချက်များ။
၁။   စည်းကမ်းလိုက်နာမှု၊အရည်အသွေးပြည့်ဝမှုတို့ဖြင့် ပိုမိုဆောင်ရွက်နိုင်စေခြင်း၊
၂။   လိုအပ်သောရည်မှန်းထားသည့်အချက်အလက်များအားဝန်ထမ်းများအားနားလည်သဘောပေါက်စေခြင်း၊
၃။   မိမိရရှိထားသောရာထူးနှင့်သင့်လျှော်မှုရှိခြင်း၊
၎။   ၀န်ထမ်း၏တိုးတက်မှုအခြေအနေသုံးသပ်ဆုံးဖြတ်ရန်၊လိုအပ်လျှင်ပြန်လည်ပြုပြင်သုံးသပ်ရန်၊
၅။   ဦးဆောင်ညွှန်ကြားသူများနှင့်ဝန်ထမ်းအားနီးစပ်စေခြင်း၊
၆။   လုပ်ငန်း၏အရည်အသွေးအားအမှန်တကယ်မြင်ခြင်း၊
၇။   မိမိဌာန၏အလုပ်အခြေအနေအားသိရှိနားလည်ခြင်း၊အကြီးအကဲညွှန်ကြားပေးသည်များကိုလက်ခံဆောင်ရွက်နိုင်ခြင်း၊

   အကြီးအကဲ၏တာဝန်ယူနိုင်စွမ်း
၁။   အမှတ်ပေးအကဲဖြတ်မည့်အကြီးအကဲသည် မိမိဝန်ထမ်းအားအသေးစိတ်အချက်အလက်များအပါအ၀င်  ၀န်ထမ်း
         အကြောင်း  ၀န်ထမ်းနှင့်ပတ်သက်သည့်အကြောင်းအရာအချက်အလက်များအား သိရှိရမည်။
၂။   အမှတ်ပေးအကဲဖြတ်ရာ၌ပုဂ္ဂိုလ်စွဲမဖြစ်စေရ၊ မပါရှိစေရပဲအလုပ်ဖြင့်သာသက်သေပြစေရမည်။
၃။   တရားမျှတမှုရှိစေရမည်။
၎။   အမှတ်ပေးအကဲဖြတ်မည့်အကြီးအကဲသည်ဝန်ထမ်းများ၏စိတ်နေသဘောထားကိုသိ   ရှိနားလည်နိုင်စွမ်းသူဖြစ်ရမည်။
၅။   အလုပ်တခု၏အကျိုးအပြစ်ကိုခွဲခြားသိမြင်နိုင်စွမ်းသူဖြစ်ရမည်။
၆။   အမှတ်ပေးအကဲဖြတ်မည့်အကြီးအကဲသည် မိမိဝန်ထမ်းနှင့်ရင်းနှီးပွင့်လင်းမှုရှိစွာဖြင့် အကဲဖြတ်အမှတ်ပေးရမည်         
          ဖြစ်ပြီး ပြုပြင်ရန်ရှိသည်တို့ကိုနည်းမျိုးစုံဖြင့်ပြုပြင်နိုင်စေ ရမည်။
၇။   အမှတ်ပေးအကဲဖြတ်မည့်အကြီးအကဲသည် သက်ဆိုင်သည့်လိုက်နာရန်စည်းကမ်းအားလုံးကိုသိရှိနားလည်နေရမည်။

အကဲဖြတ်ခြင်းနှင့် ပတ်သက်သောလမ်းညွှန်ချက်
      သက်ဆိုင်ရာဌာနများလွယ်ကူစွာဆောင်ရွက်နိုင်ရန်ဝန်ထမ်းရေးရာဌာနမှအမှတ် ပေးစည်းမျဉ်းစည်းကမ်း၊ ပုံစံအားလုံးကိုသတ်မှတ်ပိုင်းခြားထားသည့်အချိန်ကာလအတွင်း ဌာနများသို့ပေးပို့သွားမည်ဖြစ်သည်။

၁။   အမှတ်ပေးအကဲဖြတ်ရာ၌သတ်မှတ်ထားသောစနစ်ကျစံချိန်မီပုံစံကိုသာသုံးစွဲခြင်းဖြင့်အကျိုးအမြတ်တူညီမှုရရှိနိုင်မည် 
           ဖြစ်သည်။      
အလွန်ကောင်းအဆင့်       (၁၀-၉)    ၀န်ထမ်းအားလုံး၌အတော်ဆုံးအကောင်းဆုံးဖြစ်ခြင်း။
ကောင်းသည့်အဆင့်              (၈-၇)            သတ်မှတ်အတိုင်းအတာပြည့်မီအဆင့်အထိလိုက်နာဆောင်ရွက်နိုင်ခြင်း။
အသင့်အတင့်                   (၆-၅)            သတ်မှတ်ရည်မှန်းချက်အတိုင်းအတာပြည့်မီရန်အတွက် အနည်းငယ်ပြုပြင်ပေးရန် လိုအပ်ခြင်း။
အသင့်အတင့်ထက်နည်း      (၄-၃)      ပြုပြင်မှုလုပ်ပေးရန်လိုအပ်ခြင်း၊အလုပ်၌သုံး၍ရရုံအဆင့်သာရှိခြင်း။
ညံ့သည့်အဆင့်         (၂-၁)             သတ်မှတ်ရည်မှန်းချက်စံချိန်ထက်နိမ့်သောအဆင့်၊ကျေနပ်ဖွယ်ရာမရှိသည့်အဆင့်။
  

   အထက်ပါအဆင့်များအတိုင်းအမှတ်ပေးပြီး၊ ၀န်ထမ်းများအားသိရှိနားလည်လက် ခံကြောင်းလက်မှတ်ရေးထိုး အတည်ပြု စေရမည်ဖြစ်သည်။

၂။   ဌာနအတွင်းရှိဝန်ထမ်းများအားအမှတ်ပေးရာအချိန်တိုင်းအခါတိုင်းတွင်၎င်းဝန်ထမ်း သည်လုပ်ငန်း၏ ပြန်လည်ပြုပြင် တိုးတက်လာမှုများ၊ လျော့နည်းသွားမှုများရှိလာခဲ့ပါလျှင် ၎င်းဝန်ထမ်းအားအလုပ်၌နေရာချထားမှု၊ တာဝန်ထမ်းဆောင်မှု၊ မှန်ကန်စေနိုင်ရေးအတွက် စဉ်းစားရမည်။

၃။   ဌာနအကြီးအကဲများမှအမှတ်ပေးရာတွင်ဘက်လိုက်ခြင်းမရှိစေရပဲ၊ တရားမျှတမှုရှိစေရမည်။ ထိုကြောင့် အကြီးအကဲများ သည်  မိမိဝန်ထမ်းများအပေါ်စေတနာထားရှိခြင်း၊၀န်ထမ်း များ၏အရည်အသွေးကိုပြည့်ဝစေခြင်း၊ မိမိဌာနရှိဝန်ထမ်းများ မိမိအပါအ၀င် အလုပ်၏ အရည်အသွေးပြည့်ဝစွာဆောင်ရွက်နိုင်ခြင်းရှိရမည်။

အကဲဖြတ်အမှတ်ပေးခြင်းနှင့်ပတ်သက်၍အဓိပ္ပါယ်ရှင်းလင်းချက်

၁။   လုပ်ငန်းသဘောနားလည်ခြင်း။        
   ၀န်ထမ်းသည်မိမိဆောင်ရွက်နေသောအလုပ်(သို့) အခြားအလုပ်တခုခုအားနား လည်မှုရှိမရှိသုံးသပ်ခြင်း၊
      အလုပ့်အရည်အသွေးပြည့်ဝစွာတာဝန်ထမ်းဆောင်နိုင်ခြင်း၊ကျွမ်း ကျင်စွာတာဝန်ယူဆောင်ရွက်နိုင်ခြင်း။
၂။   အလုပ်ကိုချောမွေ့ပြေပြစ်စွာဆောင်ရွက်နိုင်ခြင်း။
   သတ်မှတ်ထားသောစံချိန်စံညွှန်းပြည့်မီအောင်ဆောင်ရွက်နိုင်ခြင်း၊ ရာနှုန်းပြည့် အမြဲမခိုမကပ်ဆောင်ရွက်ခြင်း၊အလုပ်မှန်ကန်မှုရှိခြင်း။
၃။   တာဝန်ယူနိုင်မှု။
   မိမိအားပေးအပ်သောတာဝန်ကိုသွက်လက်စွာ၊ စိတ်ပါဝင်စားစွာဖြင့်အကောင်း ဆုံးအနေအထားရအောင်ဆောင်ရွက်ထမ်းဆောင်နိုင်ခြင်း။
၎။   အလုပ်ချိန်မှန်ကန်ခြင်း။
   မိမိနားရက်မှတပါးအလုပ်ပျက်ကွက်ခြင်း၊ နောက်ကျခြင်းမျိုးမရှိခြင်း၊အလုပ်ချိန် ကိုဂရုစိုက်ခြင်း။
၅။လုံ့လ၀ီရိယရှိခြင်း။ 
   မည်သည့်အလုပ်တွင်မဆိုစိတ်ပါဝင်စားစွာအထူးကောင်းမွန်အောင် အမြဲဆောင် ရွက်တတ်ခြင်း။
၆။   ရိုးသားဖြောင့်မတ်ခြင်းနှင့်ယုံကြည်စိတ်ချရမှု။
   အများ၏ချီးကျူးမှုခံယူနိုင်ရလောက်အောင်ယုံကြည်စိတ်ချရမှုရှိခြင်း။
၇။   ဌာနအကြီးအကဲ၊လုပ်ဖေါ်ကိုင်ဖက်များနှင့်ရင်းနှီးစွာပူးပေါင်းဆောင်ရွက်လိုစိတ်ရှိခြင်း။       
         လုပ်ဖေါ်ကိုင်ဖက်များနှင့်လည်းကောင်း၊မိမိလုပ်ငန်းဌာနအတွင်းစည်းလုံးညီညွတ် မှုရှိစွာနေတတ်ခြင်း၊ ဌာနအကြီးအကဲများ၊             
        လုပ်ငန်းခွင်ကြီးကြပ် ဆောင်ရွက်သူများ၊ လုပ်ဖေါ် ကိုင်ဖက်အခြားဝန်ထမ်းများနှင့် ပူးပေါင်းဆောင်ရွက် လိုစိတ်ရှိခြင်း။
၈။   စိတ်နေသဘောထား၊အမူအကျင့်နှင့်စည်းကမ်းလိုက်နာသူ။
   ထုတ်ပြန်ထားသောစည်းကမ်းများ၊ သတိပေးကြေငြာချက်များ၊ မူဝါဒများကိုအမြဲ ရိုသေလေးစားလိုက်နာခြင်း။
၉။   အလုပ်နှင့်ပတ်သက်သောနည်းသစ်များကိုလက်ခံနိုင်စွမ်းရှိခြင်း။
   လွယ်ကူသည်ဖြစ်စေ၊ခက်ခဲသည်ဖြစ်စေမည်သည့်အလုပ်မျိုးကိုမဆိုလေ့လာ သင်ကြားတတ်မြောက်နိုင်ခြင်း။
၁၀။   တီထွင်ဖန်တီးနိုင်စွမ်းရှိခြင်း။
         မိမိဆောင်ရွက်နေသောအလုပ်ကိုပိုမိုကောင်းမွန်စွာဆောင်ရွက်နိုင်သည့်နည်းလမ်းများကို တီထွင်အသုံးပြုနိုင်ခြင်း။
၁၁။   ကြီးကြပ်ညွှန်ကြားနိုင်စွမ်းနှင့်ဖေးမတွဲခေါ်နိုင်စွမ်းရှိခြင်း။
   လုပ်သားများအားကြီးကြပ်ညွှန်ကြားနိုင်ခြင်း၊ဖေးမတွဲခေါ်နိုင်သည့်အရည်အချင်း  မျိုးနှင့်ပြည့်ဝခြင်း၊ ၀န်ထမ်းများမှ လေးစားယုံကြည် 
        အားကိုးလောက်သည့် တရားမျှတမှုနှင့် ပြည့်စုံခြင်း။
၁၂။   လမ်းညွှန်မှုပေးနိုင်ခြင်း၊လက်အောက်ငယ်သားများအားသင်ပြပေးနိုင်မှုရှိခြင်း။
   တိုးတက်မှုအတွက်စိတ်ပါဝင်စားစွာဦးဆောင်မှုပေးနိုင်ခြင်း။
၁၃။   ကိုယ်ပိုင်ဆုံးဖြတ်နိုင်စွမ်းနှင့်အလုပ်ခွင်ပြဿနာများအားဖြေရှင်းနိုင်စွမ်းရှိခြင်း။
   ပြဿနာတစုံတရာဖြစ်ပွားပါကချက်ခြင်းပြေပြစ်ချောမောစွာဆုံးဖြတ်ဖြေရှင်းနိုင် ခြင်း။

အကဲဖြတ်အမှတ်ပေးရာ၌ ထည့်သွင်းစဉ်းစားရမည့်အချက်များ

      ၀န်ထမ်းအားမိမိတို့လုပ်ငန်းအလိုက်ရည်ညွှန်း၍စံနှုန်းသတ်မှတ်ထားရှိသည့်အဆင့် သို့ရောက်ရှိကြောင်းနှင့် မိမိအားကြီးကြပ်သူမှညွှန်ကြားဦးဆောင်ရာအတိုင်းလိုက်နာဆောင် ရွက်ခြင်းကြောင့်ပိုမိုကောင်းမွန်လာကြောင်း အသိပေး အကြောင်းကြားနိုင်ရမည်။

ဖြည့်စွက်ရန်အချက်များ
၁။   ၀န်ထမ်းသည်၎င်းင်းအားမည်သည့်နေရာတွင်တာဝန်ချထားသည်ကိုသိစေရမည်။
၂။   မိမိယူထားသောတာဝန်အကြောင်းကြီးကြပ်ကွပ်ကဲသူမှသိစေရမည်။
၃။   လုပ်ငန်းကြီးကြပ်သူသည်မည်သည့်အချက်အလက်၊မည်ကဲ့သို့ညွှန်ကြားရမည်၊မည်ကဲ့ သို့ပြုပြင် ကာကွယ်နိုင်သည်
ကိုသိရမည်။
၎။   လုပ်ငန်း၏ကြီးကြပ်ကွပ်ကဲသူနှင့် ၀န်ထမ်းတို့ပူးပေါင်းဆောင်ရွက်နိုင်ရမည်။
၅။   ၀န်ထမ်းသည်မိမိ၏အလုပ်၌ကျေနပ်နှစ်ခြိုက်မှုရှိရန်ဆောင်ရွက်ပေးရမည်။
၆။   လုပ်ငန်း၏အရည်အသွေးပြည့်ဝသောဝန်ထမ်းများဖြစ်လာအောင်နှင့်ဟိုတယ်ဖွံ့ဖြိုး လာအောင်ဆောင်ရွက်နိုင်ရမည်။

အကဲဖြတ်အမှတ်ပေးရာ၌စဉ်းစားဆင်ခြင် ရမည့်အချက်များ
၁။   ဌာနအကြီးအကဲသည် ဘက်မလိုက်ပဲစိတ်ထားဖြူစင်စွာဆောင်ရွက်နိုင်စွမ်းရှိရမည်။
၂။   ၀န်ထမ်းအကဲဖြတ်အမှတ်ပေးလမ်းညွှန်စာအုပ်ပါအတိုင်းပြောဆိုရှင်းပြဆောင်ရွက်နိုင်ရမည်။ အပြောအဆိုဆင်ခြင်ရမည်။
၃။   သိသာထင်ရှားသည့်အထောက်အထားများလိုအပ်လျှင်ထုတ်ပြနိုင်ရမည်။
၎။   ပြဿနာတစုံတရာကိုဖြေရှင်းရာ၌ ၀န်ထမ်းအားသိစေရန်မှာမိမိတို့ဌာနအတွက်မည်ကဲ့သို့အကျိုးရှိကြောင်း၊ a
ကောင်းလျှင်ကောင်းကြောင်း၊မကောင်းလျှင်မကောင်းကြောင်း ပြောပြနိုင်ရမည်။
၅။   ပြတ်သားတိကျစွာဆုံးဖြတ်ရာ၌၀န်ထမ်းသည်မိမိအတွက်မည်ကဲ့သို့အကြိမ်ကြိမ်ပြုပြင် သော်လည်း
   စွမ်းဆောင်နိုင်စွမ်းမရှိခြင်း။
၆။   ဌာနအကြီးအကဲကိုယ်တိုင်အကဲဖြတ်အမှတ်ပေးရသည့်ဖြစ်၍ကိစ္စ၊ပြဿနာဖြေရှင်းရာ   ၌ကိုယ်တိုင်ပါဝင်ဖြေရှင်းရမည်။

ပုံမှန်အခြေအနေမှခွဲထွက်သောဝန်ထမ်းအားအမှတ်ပေးရာတွင်လိုက်နာလုပ်ဆောင် ရန်ညွှန်ကြားချက်။
   အကယ်၍အောက်ပါဝန်ထမ်းများအရည်အသွေးပြည့်ဝသူများဖြစ်လာစေရန် အတွက်မည်သို့ပြုပြင်ရမည်နည်း။

၁။   သဘောပေါက်ရန်ခက်ခဲသူ
   စစခြင်းတိကျပြတ်သားစွာဖြေရှင်း၍မရ၊ မိမိအားနားလည်သဘောပေါက်နိုင် အောင်အကြိမ်ကြိမ်အခါခါအချိန်ပေး၍ သွန်သင်ဆွဲဆောင်ရမည်။ ၎င်းသည်လုပ်ငန်း၌ ကြာရှည်စွာထမ်းဆောင်နေသူ(သို့)ပင်ကိုယ်စိတ်ကြောင့်သော်လည်းကောင်း၊ အကြောင်း အမျိုးမျိုးကြောင့်သော်လည်းကောင်း၊ နားလည်သဘောပေါက်လက်ခံနိုင်မည်ဟုယူဆ၍ မရသော်လည်း တာဝန်ယူပြီး မိမိအပေါ်သဘောပေါက်နိုင်အောင်ကြိုးစားရမည်။အဘယ် ကြောင့် ၎င်းးမှလက်ခံနိုင်မှုမရှိကြောင်း က်ို ယေဘုယျ ဆန်းစစ်ရန် လိုအပ်ပြီး၊အမှတ်ပေးခြင်း အားလက်မခံခြင်း၊ ကျေနပ်မှုမရှိခြင်းတို့နှင့်ပတ်သက်၍စဉ်းစားရမည်။

၂။   လွယ်ကူစွာလက်ခံတတ်သူ
   အမှားအမှန်ကိုလွယ်ကူစွာလက်ခံတတ်သူသည် စိတ်ပါ၍ဖြစ်သည် (သို့)မရေရာသည့်မှန်ကန်မှုမျိုးမဖြစ်စေရပါ။  မိမိအားအငြိုးထားမည်ကိုစိုးရိမ်၍လက်ခံခြင်းမျိုးဖြစ်ခဲ့ပါ လျှင်မည်သည့်နည်းဖြင့်ဖြစ်စေအကျိုးအကြောင်းပြဖြေရှင်းနိုင်ရမည်။ ၀န်ထမ်းများ၏ နားလည်သဘောပေါက်မှုသည်တဆင့်ပြီးတဆင့်ဝန်ထမ်းအချင်းချင်းပိုမိုနီးစပ်မှုရှိလာစေ
ရန်ရည်ရွယ်၍ပြုပြင်ပေးခြင်းများအလေးပေးပြုလုပ်ရမည်။

၃။   စိတ်တိုတတ်သူ
မိမိပြောဖို့ချည်းသက်သက်ထက်ပို၍နားထောင်နိုင်ရန်ကြိုးစားရမည်။၎င်းင်းစိတ်ထဲရှိသမျှ ပြောသည်ကိုဆုံးအောင်နားထောင်ပါ။ စကားဆုံး၍ရပ်သွားသည်နှင့် ၎င်းပြောသမျှကိုမှတ် မိနေသည်ကိုပြနိုင်ရမည်။ အခွင့်အရေးရသည်နှင့်ဝန်ထမ်းနှင့်ရင်းနှီးပွင့်လင်းစွာနွေးထွေး သည့်ဆက်ဆံမှုပြုလုပ်ပြောဆိုဆက်ဆံရမည်။ ရက်အနည်းငယ်ကြာသောအခါဝန်ထမ်းအား ခေါ်၍စကားပြောရန် နှင့် ၎င်းင်းဝန်ထမ်းနှင့်ထပ်မံ၍ရင်းနှီးစွာ အကျိုးအကြောင်းဆွေးနွေး ပြောဆိုနိုင်ရမည်။အကယ်၍၀န်ထမ်းစိတ်မတည်မငြိမ်ဖြစ်နေလျှင်ငြင်းခုံမှုမဖြစ်ပွားအောင် ကြိုးစားပြီးနားထောင်ပေးရမည်။ပြုပြင်မှုမရှိခဲ့လျှင်ထပ်ခေါ်ပြီးစကားပြောရမည်။ဤအကြိမ် တွင်ဝန်ထမ်းသည် နားထောင်သူဖြစ်ရမည်။ပြီးနောက်၎င်းင်း၏ပြုပြင်ရန်လိုအပ်သည့်အရာ များကိုမည်ကဲ့သို့ပြုပြင်နိုင်ကြောင်း နည်းပေးလမ်းပြပြောပြပေးရမည်။

၎။   နှုတ်ဆိတ်နေတတ်သောဝန်ထမ်း
   မည်သည့်အကြောင်းကြောင့်ကြောက်သွားခြင်း၊  တစ်မျိုးဖြစ်သွားခြင်းနှင့်၎င်း ၏စိတ် အခြေအနေ ပုံမှန်အတိုင်းရှိမရှိ သုံးသပ်ရန်၊ မေးခွန်းကိုမဖြေမီစဉ်းစားနိုင်ရန်အချိန်ပေးရ မည်။ ၀န်ထမ်းသည် မည်သည့်အရာ မည်သည့်အလုပ် အား အထူး စိတ်ဝင်စားမှုရှိသည်ကိုကြိုးစား ဖေါ်ထုတ်၍ ၀န်ထမ်း၏အမြင်သဘောကိုသိအောင်ကြိုးစားရန်၊ တစ်ကြိမ်နှစ်ကြိမ်ထက်ပို၍ အချိန်ပေးပြီး ၀န်ထမ်းနှင့်ပြောဆို ဆွေးနွေးရန်ဖြစ်ပါသည်။
၅။ ကြောက်တတ်သောဝန်ထမ်း
    ၀န်ထမ်းကို သူ့အလိုအလျှောက် လွှတ်ပေးထားရန် နှင့် သူ ကျွမ်းကျင်နားလည်သည့် အကြောင်းပြောဆိုရန်ဖြစ်သည် ။ ကြောက်ရွံ့ခြင်းကင်းစေရန်နှင့် ၄င်းအားပြောလိုသည်ကို ပြောနီုင်ရန် အခွင့်အရေးပေးပြီးပြောရမည်။ လုပ်ဆောင်ခဲ့ပြီးသော အလုပ်အကြောင်း ပြန်လည်သုံးသပ်ဆွေးနွေးရမည်။